mfajri.net

Blog Urang Banua Barrau

Kissa Ammiddai; Kissa Lappas Sahur (02)

Kissa Lappas Sahur (02)

Kurma Rasa Assam

Alhamdulillah taliwat jua sahari puasa Ammiddai. Baik ari partama panas ari malattang-lattang, cada tarasa lapar, cada tarasa haus pagila jinnya.

Inggannya pas buka antayi, lahal sunggu iya. Baru andak buka, tadangngar suara ajan magrib, pas siap-siap andak dudduk basila, mati lampu pulang. Paksa babuka bagallap pattang-pattang. Andak bajumu cada katauwan dimana bataru. Apa cadada pangumuman andak mati lampu, jadi cada ba siap-siap.


Ammiddai: Au, mangka kurma muballi ini lain rasanya lai. Mangka ini baru sari puasa, cadadakah anu taliatmu puri. Bacari anu mura sunggukah? Atau kawu bingung bapilikah, langsung mujumput-mujumput saja?!

Indaunai: Au ih mangka damitu amma. Kurma puri attu kuballi ah. Kurma bamirik. Mahal attu 57ribu satangnga kilu.

Ammiddai: Au ini mangka sung, murasayi ini…

Indaunai: Kau gila amma, assam jawa mujumput ini. Assam jawa andak kugawai cuka pancaccakan jukut karring antittu..

Ammiddai: Aikau sarrau… Pantas massam sunggu rasa pakuccappanku.. Lahal kita bagallap ini tasala jumput..

😂😂😂😂😂
#mf

Baca Juga;

Bagi Artikel Ini Ke:
  •  
  •  
  •  
  •  
  •  
  •  
  •  

Comments

comments

mfajri.net sejak 2008