mfajri.net

Blog Urang Banua Barrau

Kissa Ammiddai – Kissa Lappas Sahur (04)

Kissa Lappas Sahur (04)

Puasa ari ka ampat ini Ammiddai lumpai buka rami-rami di kantur jalannya bakarajja.

Sambil manunggu waktunya buka, bini-bininya andayi pakumpulan bini karyawan banyanyi bakasidah, badindang sholawat nabi.

Partama bakasidah badindang, urangnya sanggam, tapi dindangnya pas-pasan. Binggan badindang, batappuk tangan jua saurang dua urang.

Anu kadua bini-bini badindang basalawat nabi. Puri suaranya, urangnya jua sanggam. Rami urang batappuk tangan.

Nah giliran anu katiga, maju bini-bini saurang.. talla pundut rupanya, suaranya pulang rusak marusak. Tapi abis iya badindang, labbi sunggu raminya urang batappuk tangan, dangngan basuit-suit pulang urang rami…

Tahairan Ammiddai… Au, dalam atinya, cada tasalakah ini…. Batanya ia kasaballa dangngannya dudduk, rupanya “bos” nya kapala kanturnya dudduk disaballanya attu.

“Baliau… Bini siapa antittu ah, banyanyi suaranya bangsa billik ruti ditabbakkan kuma lappak kuma laggir attu, baru rupanya cada pangaruan sunggu..???

Biningku attu!!!! … 😡😡😡 Manjawab busnya, sambil mattum rangngat.

Kabaliyangan Ammiddai mandangngar.. Ballum abis busnya attu babicara, pakaut-kaut jua ia badiri batappuk tangan kuat-kuat…

😂😂😂😂😂
#mf

Baca Juga;

Bagi Artikel Ini Ke:
  •  
  •  
  •  
  •  
  •  
  •  
  •  

Comments

comments

mfajri.net sejak 2008