mfajri.net

Blog Urang Banua Barrau

Kissa Ammiddai – Kissa Lappas Sahur (07)

Kissa Lappas Sahur (07)

*Takut Maladdup*

Biasa di dapur Indaunai mamasak mamakai gas ilpiji, cada lagi bakumpur huk apa sakarang ini basakit bacari minyakgas..

Nah giliran abis tabung sabiji tabung tiga kilu, andak manyusuk mamasangkan sallangnya. Dikiyaunya lakinya Ammiddai minta pasangkan..

Ammiddai;
Kawu ini lai, tiap andak mamasang sallang gas attu, mukiyau aku musuru mamasang. Cada tau sunggu kah kawu mamasang maningguang?

Indaunai;
Cada aku arram gai.. Takut maladdup..

Ammiddai;
Au… Amun bujur maladdup, takanna kadiaku pulang.. Cada kah kawu takut kailangan diaku??

Indaunai;
Nah amun attu mangka, kadampangku sunggu gai.. Dapai aku bacari ganti laki baru…

Ammiddai;
Sarrau… Kadampanya kita mati cappat biasa…

😂😂😂😂😂😂😂
#mf

Baca Juga;

Bagi Artikel Ini Ke:
  •  
  •  
  •  
  •  
  •  
  •  
  •  

Comments

comments

mfajri.net sejak 2008